Gant Mailoe c'hallit dibab evit pep postel kaset ganeoc'h hag-eñ e fell deoc'h enrinegañ ha/pe sinañ anezhañ gant PGP.
Evit implijout PGP pa vez kaset ur postel, n'eus nemet lakaat an dibarzh enrinegañ PGP pa vez skrivet ar postel.
Implijout PGP a aotre :
- enrinegañ ar gemennadenn
Enrinegañ ur gemennadenn a warant d'ar c'haser ne c'hallo nemet ar reseverien diziframmañ ha lenn ar gemennadenn hag he stagadennoù a c'hallfe bezañ.
Evit enrinegañ ur gemennadenn e ranker kaout gant ar c'haser alc'hwez PGP foran pep degemerer eus ar gemennadenn.
Evit diziframmañ ha lenn ar gemennadenn e implij pep resever e alc'hwez PGP prevez. - sinadur ar gemennadenn |
Sinañ ur gemennadenn a warant identelezh ar c'haser d'ar reseverien.
Evit sinañ ur gemennadenn e rank ar c'haser implijout e alc'hwez PGP prevez.
Evit kadarnaat sinadur ar gemennadenn e rank ar reseverien kaout alc'hwez foran ar c'haser, en deus he c'haset en a-raok.
Bep tro ma kasit ur postel e c'hallit ouzhpennañ hoc'h alc'hwez foran hoc'h-unan. Pouezus eo e vefe gant ho kemennerien hoc'h alc'hwez foran, rak ezhomm o deus eus an alc'hwez-se evit enrinegañ ar posteloù a gasont deoc'h. Ho alc'hwez foran a warant ivez d'ho kemennadennoù hoc'h eus sinet ar gemennadenn PGP e gwirionez.
