Skrivañ ur postel

Evit kas ur gemennadenn d'un degemerer pe meur a hini, klikit war ar bouton  Skrivañ a zo e krec'h al lañser. Gant-se e vo kaset ac'hanoc'h d'ar bajenn evit skrivañ ur gemennadenn.

E-keit ha ma vez skrivet ho kemennadenn e vez enrollet ent emgefre a-wechoù er renkell  Brouilhedoù, ar pezh a vir ouzh koll ho testenn dre zegouezh.

Reseverien

Meur a zoare a c'haller kaout evit merkañ an hini a resevo ho kemennadenn :

• gallout a rit leuniañ ar vaezienn Reseverien gant ur chomlec'h postel ; ma vez meur a resever, dispartiit o chomlec'hioù gant virgulennoù ;
• gant ar bouton , lec'hiet a-zehou a-us d'ar vaezienn Reseverien, e c'hallit enlakaat war-eeun chomlec'h unan eus ho darempredoù karetañ ;
• gant ar bouton , lec'hiet a-zehoù a-us d'ar vaezienn Reseverien, e c'hallit diskouez roll al lizherenneg eus an darempredoù a zo o chomlec'h postel en ho teuliad chomlec'hioù dija.

Evit kas ur gemennadenn d'un degemerer pe meur a hini ha kas ar memes kemennadenn en eiladenn da reseverien all, klikit war al liamm Eilad evit lakaat ar vaezienn Eilad da : da zont war wel ha leuniañ anezhi.

Evit kas ur gemennadenn d'un degemerer pe meur a hini ha kas an hevelep kemennadenn en eiladenn da reseverien all hep ma vefe kelaouet an degemererion pennañ eus ar re all en eiladenn, klikit war al liamm Eilad kuzh evit ma teufe war wel ar vaezienn Eilad kuzh da ha leuniañ anezhañ.

Pezhioù stag ha restroù kaset evel liammoù

Gallout a rit stagañ unan pe meur a restr ouzh ho kemennadenn. Gallout a reer pellgargañ anezho diwar bladenn galet hoc'h urzhiataer pe diwar ho pladenn virtuel Mailo. Gallout a rit ivez dibab restroù stag ouzh posteloù hoc'h eus resevet a-raok.

Ur wech staget unan pe meur a restr e vo diskouezet roll ar restroù stag, hag ivez o ment, a-dreñv an arouezenn . Betek 25 Mo restroù a c'haller stagañ ouzh ur gemennadenn. Kresket eo ar bevenn-mañ da 50 Mo gant Mailo Premium.

Mailo a ro tu deoc'h ivez da ouzhpennañ restroù evel liammoù e-lec'h o c'has gant ar gemennadenn.

Embanner testennoù

Gallout a rit dibab kas ur gemennadenn e testenn eeun pe e testenn pinvidik (HTML) a-drugarez d'ar bouton a zo e tu dehou uhelañ prenestr kempenn ar c'hemennadennoù. Ma krogit da skrivañ ho kemennadenn e testenn pinvidik, tremen da destenn eeun a ziverko an titouroù tres ha stil.

Gallout a rit dibab arventennoù dre ziouer an embanner testenn pinvidik, da skouer evit termeniñ ur font pe ul liv testenn dre ziouer.

Peseurt mod a vo dibabet ganeoc'h, gant ar bouton  Sinadur e c'hallit ouzhpennañ ur sinadur d'ho kemennadenn, e-touez ar re a vo termenet ganeoc'h en elfenn Sinadurioù el lañser Dibarzhioù.

Gallout a rit ivez gwiriañ reizhskrivadur testenn ho kemennadenn en ur glikañ war ar bouton  Reizhskrivadur. Neuze klikit war ar gerioù livet evit dibab ur c'hinnig reizhañ, ouzhpennañ ar ger en ho geriadur personel, pe leuskel a-gostez ar reizhadenn kinniget evit ar ger-mañ.

Dibaboù kas all

Dre ziouer e vo kaset ar c'hemennadennoù en ur implijout ho chomlec'h Mailo evel chomlec'h kaser. Gallout a rit dibab kas ho kemennadenn gant ur chomlec'h all, pe e-touez ar re a vez dastumet ganeoc'h pe unan eus ho anvioù-bihan.

Gallout a rit dibab live prioritez ho kemennadenn : izel, normal pe uhel.

Gallout a rit goulenn digant reseverien ho kemennadenn ur skritell lenn en ur wikañ Kemenn lenn. Diskouezet e vo ar goulenn evit ur rekipe lenn d'an degemerer pa lenno ar gemennadenn. Ma tibab disklêriañ en deus lennet anezhañ e resevot ur gemennadenn resev lennet.

Gallout a rit dibab mirout un eiladenn eus ar gemennadenn ho peus kaset en ho teuliad  Kemennadoù kaset, pe gant ar stagadennoù pe hep.

Gallout a rit kas ho postel diouzhtu pe dibab an deiz hag an eur ma vo kaset. Mar dibabit kas dale, ne c'hallit ket nullañ anezhañ ur wech kadarnaet.